Mantija kosovare

Përbersit  4-5 persona duhen :

*1 kg miell,

*2 gota ujë te vakët,

*2 lugë vaj pak kripë për brumin dhe 600 g mish i grirë,

*3 qepë, kripë, vaj, piper i zi.

 

Përgatitja:

Në tavolinë ose në tepsi hidhet miell, ujë i vakët, vaj, kripë dhe përzihen dhe nga brumi i formuar bëhen 30 kuleçë të vegjël. Secili kulaç zmadhohet me okllai sa shuplaka e dorës. Lyhen kuleçët me gjalpë dhe bashkohen në dhjetëshe.

Secila dhjetëshe tëhollohet në një petë të madhe dhe të tre petët bashkohen në një petë të vetme. Peta ndahet në katrorë shahu. Për mbushjet e katrorëve nevojiten mish i grirë, qepë të grira hollë, kripë piper i zi.

Masa e përgatitur skuqet në vaj dhe në fund të skuqjes i hidhet pak piper i kuq për ngjyrë.

Masa duhet të lihet të ftohet dhe më pas mbushen me të katrorët e përgatitur më parë.

Çdo katrore mbështillet diagonalisht nga të katër anët (si zarf) dhe vihen në tepsi për tu pjekur. Mantia piqet një gjysmë ore. Pasi është pjekur mbulohet me një picetë për 10 minuta dhe serviret me kos.

Be Sociable, Share!

Tags:


Fatal error: Allowed memory size of 67108864 bytes exhausted (tried to allocate 85 bytes) in /home/gatojca/public_html/wp-includes/cache.php on line 570